Wednesday, October 19, 2011

കമന്റുകള്‍ മൊത്തമായും ചില്ലറയായും വില്‍ക്കപ്പെടും!!!

എന്തെഴുതണം എങ്ങനെ എഴുതണം എന്ന് അറിയില്ല... ഒരു ലവ് ലെറ്റെറിന്റെ തുടക്കം പോലെ ഉണ്ട്... അത് കൊണ്ട് ഈ തുടക്കം വേണ്ടാ... എല്ലാ ബ്ലോഗ്ഗെര്‍മാര്‍ക്കും ഒരു സന്തോഷ വാര്‍ത്ത‍ ഉണ്ട്!!!

ഞാന്‍ ബ്ലോഗ്‌ എഴുത്തില്‍ നിന്ന് കമന്റ്‌ എഴുത്തിലേക്ക്‌ എന്റെ മേഖല തിരിച്ചു വിടാന്‍ ഒരുങ്ങുന്നു... എല്ലാവര്‍ക്കും കമന്റുകള്‍ മൊത്തമായും ചില്ലറയായും എഴുതി കൊടുക്കുന്നതാണ്... പലരും ഫോളോവേര്‍സ് ഇല്ലാത്തതിന്റെം കമന്റ്‌ ഇല്ലാതത്തിന്റെം സങ്കടം പറഞ്ഞപ്പോള്‍ ... സഹിക്കവയ്യതെയാണ് ഞാന്‍ ഈ കടുത്ത തീരുമാനം എടുക്കുന്നത്...

ഞാന്‍ ആദ്യമായി എഴുതി തുടങ്ങിയത് എന്നാണെന്ന് ഓര്‍മയില്ല... പക്ഷെ എന്റെ എഴുത്തിനു തുടക്കം കുറിച്ചത് ഒരു അസൂയയാണ് ... ഇതുവരെ ഞാന്‍ പുറത്തു വിടാത്ത ആ രഹസ്യം ഞാന്‍ ഇന്ന് വെളിപെടുത്തുകയാണ്... ഒരു 12 വര്‍ഷങ്ങള്‍ക്കു മുന്പ്....1999 എനിക്ക് 9 വയസ്സ് ... എന്റെ ചേട്ടന്‍ നന്നായി വരയ്ക്കുമായിരുന്നു... എല്ലാ യുവജനോത്സവ കാലം ആവുമ്പോഴും എല്ലാ പത്രങ്ങളിലും ഒരു ഫോട്ടോയും വാര്‍ത്തയും സബ് ജില്ല കലോത്സവം ചിത്ര രചന ഫസ്റ്റ് നിതിന്‍ ഇത്രയും പോരെ എന്റെ അമ്മയ്ക്ക്.... ആ ചിത്രം വെട്ടി വയ്ക്കലും നാട്ടുകാരെ കാണിക്കലും... ട്രോഫികള്‍ നിരത്തി വയ്ക്കലും.... ഞാന്‍ എന്നൊരു ഒരു കുഞ്ഞു ജീവി ഉള്ളതായിട്ടെ ഭാവിക്കില്ല... അന്നെനിക് മനസിലായി പത്രത്തില്‍ ഫോട്ടോ വന്നാലെ കാര്യമുള്ളൂ... ഞാന്‍ ഒരു കടുത്ത തീരുമാനം എടുത്തു കവിത എഴുതുക ... അന്ന് ഈ പത്രത്തില്‍ എന്നും ഒരു ചര്‍ച്ചയെ ഉണ്ടായിരുന്നുള്ളൂ... y2k y2k... ഇതെന്താണെന്നു ചോദിച്ചപ്പോള്‍ അല്ലെ കാര്യം മനസിലായത്... 2000 വരുന്നത് കൊണ്ട് കമ്പ്യൂട്ടറില്‍ ഫീഡ് ചെയ്ത ഡേറ്റ്സില് മാറ്റം വരുത്തണം... അങ്ങനെ എന്തൊകെയോ... എന്റെ കൊച്ചു തലയില്‍ ബുദ്ധി ഉദിച്ചു... കുരുട്ടു ബുദ്ധി എന്ന് പറയരുത്!!! ഞാനും കവിത എഴുതി!!!!

Y2k y2k

ലോകം കണ്ടൊരു y2k

ഇന്ത്യ കണ്ടൊരു y2k

കേരളം കണ്ടൊരു y2k

എന്താണീ y2k

ഇത് വെറുമൊരു 2000!!!

ആരും അറിയാതെ ഞാന്‍ ഇത് കേരള കൌമുദിയില്‍ അയച്ചു കൊടുത്തു കാരണം ആരെങ്കിലും അറിഞ്ഞാല്‍ ഇത് അച്ചടിച്ച്‌ വന്നില്ലെങ്കില്‍ മോശമല്ലേ നമ്മുടെ ഇമേജ് തകരില്ലേ.. ഞാന്‍ എന്തൊക്കെ നേര്‍ച്ചനേര്‍ന്നിട്ടുണ്ടെന്നു എനിക്ക് തന്നെ ഓര്‍മയില്ല കേരള കൌമുദിയില്‍ തിങ്കളാഴ്ച വരാറുള്ള ബാലലോകത്തില്‍ എന്റെ പ്രശസ്തമായ കവിത അച്ചടിച്ച്‌ വന്നു with അച്ഛന്റെ പേരും അഡ്രസ്സും .. ആദ്യം കണ്ടത് അച്ഛനോ അമ്മയോ ആവണം ... അവര്‍ ഞെട്ടിത്തരിച്ചു പോയി കാണണം... അടുക്കളയില്‍ പാത്രമൊക്കെ തെറിച്ചു വീഴുന്ന ശബ്ദം ഞാന്‍ ഉറക്കത്തില്‍ കേട്ടിരുന്നു... ഇനി എന്റെ പേരില്‍ ആരെങ്കിലും അയച്ചതാണോ എന്ന് അവര്‍ ചിന്തിച്ചിരിക്കാം... പക്ഷെ അതിനു ഒരു ആഴ്ച മുന്പ് ഞാന്‍ പോസ്റ്റല്‍ കവര്‍ വാങ്ങണം എന്ന് പറഞ്ഞതും പോസ്റ്റ്‌ ഓഫീസില്‍ പോയതും എല്ലാം കൂടി ചേര്‍ത്തപ്പോള്‍ അവര്‍ ഉറപ്പിച്ചു... ഇത് ഞാന്‍ അയച്ചത് തന്നെ !!

പിന്നീട് കുറച്ചു ദിവസത്തേക് ഒരു വി.ഐ.പി സൌകര്യത്തോടെ ഞാനും ജീവിച്ചു … ആരാധകരുടെ ഫോണ്‍ വിളികള്‍ (ഈ ആരാധകര്‍ എന്റെ വല്യച്ചനും വല്യമ്മയും അച്ഛന്റെ കൂടുകരും ഒക്കെ തന്നെ )… പത്രത്തില്‍ നിന്ന് അമ്മ എന്റെ കവിത വെട്ടി എടുത്തു ആല്‍ബത്തില്‍ വച്ചതും … ആളുകള്‍ വരുമ്പോള്‍ കാണിച്ചു കൊടുക്കലും … എന്നിലെ കവയിത്രിക്ക് ഒരുപാടങ്ങ്‌ പിടിച്ചു … പിന്നെ കവിത പത്രത്തില്‍ അയക്കാന്‍ ഞാന്‍ മുതിര്‍ന്നില്ല … അതിനു കാരണം എന്താന്നെനു അറിയില്ല … പിന്നീട് 10 ല്‍ പഠിക്കുമ്പോള്‍ വിദ്യാഭ്യാസ മന്ത്രിക് ഒരു കത്തയച്ചിരുന്നു … അതും പത്രത്തില്‍ വന്നു … പിന്നെ നാട്ടിലൊക്കെ ഞാന്‍ ഒരു എഴുത്തുകാരീടെ മുമൂടി ഇട്ടു നടന്നു …

അങ്ങനെ കാലങ്ങള്‍ കഴിഞ്ഞു … എന്നിലെ എഴുത്തുകാരി ജീവിത പ്രതിസന്ധികളില്‍ എവിടെയൊക്കെയോ തളര്‍ന്നു പോയി … പിന്നീട് ആന്‍ ഫ്രാങ്കിന്റെ ഡയറി കുറിപ്പുകള്‍ വായിച്ചപ്പോള്‍ .. അതില്‍ പ്രേരണ ഉള്‍ക്കൊണ്ട്‌ ഡയറി എഴുതി തുടങ്ങി … എന്റെ ഡയറി ആയിരുന്നു എനിക്കെനും കൂട്ട് .. ഓരോ പ്രായത്തിലും എന്റെ മനസിലൂടെ എന്തൊക്കെ കടന്നു പോയിട്ടുണ്ടെന്ന് എന്റെ ഡയറിക്ക് മാത്രമായിരിക്കും അറിയുക … അങ്ങനെ ബി .ടെക് ജോയിന്‍ ചെയ്തതോടെ ഡയറി എഴുതാന്‍ കൂടി സമയം കിട്ടാതെ ആയി … അപ്പോഴാണ്‌ ഞാന്‍ ഡയറിയില്‍ എഴുതുന്ന പൊട്ടത്തരങ്ങള്‍ കൂട്ടത്തില്‍ (social networking site)ബ്ലോഗ്‌ ആയി എഴുതാന്‍ തുടങ്ങിയത് … അതിനൊകെ തരക്കേടില്ലാത്ത അഭിപ്രായങ്ങളും കിട്ടി …അപ്പോഴാണ് എന്റെ സുഹൃത്ത്‌ രാഹുല്‍ എന്ത് കൊണ്ട് ബ്ലോഗ്‌ തുടങ്ങികൂടാ എന്ന് ചോദിച്ചത് … എന്തൊകെ ചെയ്യണം എന്നും പറഞ്ഞു തന്നു … എന്റെ ബ്ലോഗിങ്ങ് ഗുരു എന്ന് വേണമെങ്കില്‍ അവനെ വിശേഷിപ്പികാം …. അങ്ങനെ എഴുതി തുടങ്ങി …ആരും ശ്രദ്ധിക്കാതെ പോയ ഒരു ബ്ലോഗ്‌ … വല്ലപ്പോഴും ഈച്ചയും പാറ്റയും വന്നാലായി … ഇടയ്ക്ക് ആരെങ്കിലുമൊക്കെ വന്നു കമന്റ്‌ ഇട്ടാലായി … അപ്പോഴും അഹങ്കാരത്തോടെ ഞാന്‍ വിചാരിച്ചു … ഇവരോകെ ആരാ എന്നെ വിമര്‍ശിക്കാന്‍ … ഇവരുടെ ഒന്നും കവിത പത്രത്തില്‍ വന്നിട്ടില്ലല്ലോ … പിന്നെന്തിനാ ഇവരൊക്കെ വന്നു കുറ്റം പറയുന്നത് … അങ്ങനെ ഇരിക്കെ ഞാന്‍ ചുമ്മാ ഒരു ബ്ലോഗ്‌ പര്യടനത്തിനു ഇറങ്ങി … എന്നെ ഞെട്ടിപ്പിക്കുന്ന ആ സത്യം ഞാന്‍ മനസിലാകി … ദൈവമേ … ഈ ലോകം മുഴുവന്‍ എഴുത്തുകാരാണോ … ജാനകി ചേച്ചിയോകെ എഴുതുന്നത്‌ വായിച്ചപ്പോള്‍ ഞാന്‍ ഉറപ്പിച്ചു .. .കൈ കീബോര്‍ഡില്‍ നിന്ന് എടുക്കുന്നതാണ് നല്ലത് (പണ്ടാണെങ്കില്‍ തൂലിക വച്ച് കീഴടങ്ങുക എന്ന് പറയാം ) അങ്ങനെ ബ്ലോഗ്‌ പര്യടനതിടെ ഒരുപാടു നല്ല ബ്ലോഗുകള്‍ കണ്ടു … എന്റെ ഉപാസന , ഇലച്ചാര്‍ത്തുകള്‍, അമ്മുന്റെ കുട്ടി

നീര്‍വിളാകാന്‍
… ഇതിനൊരു അവസാനം ഇല്ല …പിന്നെ ആരാണീ പറയുന്നത് മലയാളത്തില്‍ എഴുത്തുകാരില്ല … വായനക്കാരില്ല എന്നൊക്കെ … ഞാന്‍ കാണുന്നവരെല്ലാം എഴുത്തുകാരാണ് … പണ്ടേ ഈ ബ്ലോഗിങ്ങ് ഉണ്ടായിരുന്നെങ്കില്‍ നമ്മുടെ കൂട്ടുകാര്‍ പലരും ഇന്നത്തെ എഴുത്തുകാര്‍ എന്ന് വ്യാഖ്യാനിക്ക പെടുന്നവര്‍ക്ക് ഒപ്പത്തിനൊപ്പം നില്ക്കാന്‍ കഴിവുള്ളവര്‍ ആണെന്ന് എനിക്ക് തോന്നുന്നു … (എന്റെ അഭിപ്രായം മാത്രാമാണ് …മുന്‍കൂട്ടി അറിയിക്കാതെ തല്ലാന്‍ ആളെ വിടരുത് )

ബ്ലോഗുകളിലൂടെ കടന്നു പോയപ്പോഴാണ് പലരും കമന്റ്‌ ഇല്ലാത്തതിന്റെം ഫോളോവേര്‍സ് ഇല്ലാത്തതിന്റെം സങ്കടം പറഞ്ഞു കേട്ടത് പാവം മഹേഷ്‌ ചേട്ടന്‍ എന്തൊക്കെ ഓഫര്‍ മുന്നില്‍ വച്ചപ്പോള്‍ ആണ് കമന്റുകള്‍ കിട്ടി തുടങ്ങിയത് എന്ന് ഓര്‍ത്തു പോയി …ഇങ്ങനെ വിഷമിക്കുന്നവര്‍ക്കെല്ലാം തണലേകാന്‍ ഞാന്‍ വരുന്നു … കമന്റുകള്‍ മൊത്തമായും ചില്ലറയായും എഴുതി കൊടുക്കുന്നതാണ് … അതിനു ചെയ്യേണ്ടത് ഇത്ര മാത്രം … എന്നെ ഫോളോ ചെയ്യുക (ഇതിത്തിരി മോശമായി പോയി അല്ലെ …) അത് കൊണ്ട് ഫോളോ ചെയ്യണം എന്നില്ല … നിങ്ങളുടെ ബ്ലോഗ്‌ url ഇവിടെ കൊടുത്താല്‍ മതി … ഞാന്‍ കമന്റ്‌ ചെയ്യുന്നതാണ് … ഇനി ഒരു ടിപ്, കമന്റ്‌ ആവശ്യമുള്ളവര്‍ക്ക് : നമ്മള്‍ പോയി ആരുടെ എങ്കിലും ബ്ലോഗില്‍ കമന്റ്‌ ഇടണം അപ്പോള്‍ അവരും നമ്മുടെ ബ്ലോഗില്‍ കമന്റ്‌ ഇടും … അങ്ങനെ എല്ലാരും പരസ്പ്പര സഹായത്തോടെ ജീവികുക … ബ്ലോഗ്‌ എഴുത്തുകാര്‍ വിജയിക്കട്ടെ !!!!

83 comments:

Unknown said...

തേങ്ങയൊടക്കാൻ വന്നതായിരുന്നൂ...

ബട്ട്

Arunlal Mathew || ലുട്ടുമോന്‍ said...

നല്ലതാണെങ്കില്‍ എല്ലാരും വായിക്കും... പിന്നെ പരസ്പര സഹായം മറക്കരുത്... :)
ആശംസകള്‍....

മഹേഷ്‌ വിജയന്‍ said...

കമന്റുണ്ടോ? അരക്കിലോ കമന്റു വിമര്‍ശനം ഇല്ലാത്തത്....മധുരം കൂട്ടി...

ഹ ഹ.. ഇത് സംഭവം കലക്കി...നര്‍മ്മവും വഴങ്ങും ല്ലേ...

പിന്നെ, "കൂട്ടത്തില്‍ ബ്ലോഗ്‌ ആയി എഴുതാന്‍ തുടങ്ങിയത് " ബ്ലോഗ്‌ തുടങ്ങി എന്ന് പറഞ്ഞു കഴിഞ്ഞു വീണ്ടും പറയുന്നു.. "അപ്പോഴാണ് എന്റെ സുഹൃത്ത്‌ രാഹുല്‍ എന്ത് കൊണ്ട് ബ്ലോഗ്‌ തുടങ്ങികൂടാ എന്ന് ചോദിച്ചത് ". ഒന്ന് ശ്രദ്ധിക്കണേ..

Ashish said...

ബ്ലോഗ്‌ നന്നായിട്ടുണ്ട്...ഇനിയും എഴുതൂ

UMESH KUMAR said...

മിടുക്കി തന്നെ ...ഫോളോവേര്‍സ് നെ കൂട്ടാന്‍ ഉള്ള ബുദ്ധി (കുരുട്ടു ബുദ്ധി ) കൊള്ളാം ,
എന്തായാലും ഞാന്‍ ഫോളോ ചെയ്യുന്നു,

മനോജ് കുമാർ വട്ടക്കാട്ട് said...

ഇതാ ഒരു കമന്റ് പിടിച്ചോളൂ.

ശ്രീക്കുട്ടന്‍ said...

എന്റേം വകയായിട്ടിരിക്കട്ടെ ഒരു കമ്ന്റ്...

വിധു ചോപ്ര said...

കമന്റുണ്ടോ സഖാവേ ഒന്നു ഫോളോ ചെയ്യാൻ?
ലാത്സലാം.

nakulan said...

www.adikolli.blogspot.com

anamika said...

@baiju
തേങ്ങ ഒടച്ചോ അന്നിട്ട്‌ !!

anamika said...

@arunlal
ലുട്ടുമോനെ സഹായിക്കുന്നതാണ് പേടിക്കണ്ട...

anamika said...

@mahesh vijayan
മഹേശേട്ടനെ ഞാന്‍ ഒന്ന് പൊക്കി എഴുതീട്ടുണ്ട് ... തിരിച്ചും പ്രതീക്ഷിക്കുന്നു

anamika said...

@ashish
നന്ദി വീണ്ടും വരുക

anamika said...

@thikkodiyan
മനസിലാക്കി കളഞ്ഞല്ലോ കൊച്ചു കള്ളന്‍ !!

anamika said...

@padippura
@sre kuttan
തിരിച്ചു ഞാനും കമന്റ്‌ ഇടുന്നതാണ്

anamika said...

@vidhuchopra
കമന്റുകള്‍ മൊത്തമായും ചില്ലറയായും എഴുതി തരുന്നതാണ്

anamika said...

@nakulan
നന്ദി വീണ്ടും വരുക

S V S said...

കമ്മന്റ്റ്റ്‌ വേണോ കമ്മന്റ്റ്റ്‌....

കമ്മന്റ്റ്റ്‌ വേണോ കമ്മന്റ്റ്റ്‌....

ARUN VJAY said...

ഹാ . . . ബുദ്ധി കൊള്ളാം . . . എന്തായാലും ഇരിക്കട്ടെ ഒരു കമന്റ്‌ എന്റെ വകയും . . . :)

Arunlal Mathew || ലുട്ടുമോന്‍ said...

ഇതുവരെ സഹായമൊന്നും കണ്ടില്ല... പറ്റീരാണോ....?? പുതുമുഖങ്ങളെ കമന്റിട്ടു പ്രവത്സാഹിപ്പിക്കാന്‍ വേണ്ടി മാത്രം ഒരു ഗ്രൂപ്പ്‌...
എല്ലാ പുതുമുഖങ്ങളും സഹകരിക്കുക... വരൂ നമുക്ക് കൂട്ടുകാരകാം...
വന്നാല്‍ ചേരാം... :)

ഇടശ്ശേരിക്കാരന്(വെടിവട്ടം) said...

എല്ലാവരില്ലും ഓരോ കഴിവ് മറഞ്ഞിരിക്കുന്നു ചിലര്‍ അത് തിരിച്ചറിയാന്‍ കുറച്ചു സമയമെടുക്കും
NB:എനിക്ക് മൊത്തമായി കമന്റ്‌ വേണ്ട ചില്ലറയായി മതി
http://rakponnus.blogspot.com/വേണമെങ്കില്‍ എന്നെ പിന്തുടരുകയുംചെയ്യാം,അഹങ്കാരം കൊണ്ട് പറയുകയാണ്‌ :):)

RAJEEV said...

ഇനിയും എഴുതുക ...ഇതാ അഡ്വാന്‍സായി ഒരു യമണ്ടന്‍ കമന്റ്..........

anamika said...

@svs
പഴയ ജോലി ഓര്മ വന്നു അല്ലെ.. മത്തി കച്ചവടം

@arun vijay
ഞാന്‍ ആരാ മോള്‍ ??

@luttumon
സമയം കിട്ടിയില്ല .. ഇന്ന് വായിച്ചിട്ട് തന്നെ കാര്യം

@idasherikaran
ചില്ലറ തരണമെന്ന് മാത്രം

@rajeev
നന്ദി വീണ്ടും വരുക

Anonymous said...

വാശിയില്‍ നിന്നും അസ്സൂയയില്‍ നിന്നുമുണ്ടായ ബ്ലോഗ്‌ ആണല്ലേ...അത്ര പൊട്ടത്തരങ്ങള്‍ ഒന്നുമല്ല...പുതിയ പോസ്റ്റ്‌ അറിയിക്കുമല്ലോ...

മണ്ടൂസന്‍ said...

എന്റെ പൊന്നുകുട്ടീ, ഉപദേശിക്കാൻ ഞാനാരാ ? അത്കൊണ്ട് നല്ലൊരു ഉപദേശം ഞാൻ തരാം.എനിക്കെല്ലാരും എപ്പോഴും തന്നോണ്ടിരിക്കുന്നതാ,അതാ ന്റെ ഒരു ഊർജ്ജം. നന്നായി വായിക്കൂ,എഴുതൂ, ഇവിടെ ശ്രദ്ധിക്കാൻ ഒരുപാട് പേരുണ്ട് ട്ടോ.

സുരഭിലം said...

ഇതു പോലെ ഒരു കവിത എന്റെ കയ്യിലും ഉണ്ട്.ഞാന്‍ എട്ടു വയസ്സില്‍ എഴുതിയത്.പെട്ടെന്ന് ഈ പോസ്റ്റ്‌ വായിച്ചപ്പോ ഞാന്‍ അങ്ങോട്ട്‌ പോയി.കൊള്ളം ട്ടോ.ഞാന്‍ ആദ്യം വായിച്ചതു പുട്ടും കടലയും ആണ്.അത് വായിച്ച വിഷമത്തില്‍ കണ്ണീര്‍ തുടച്ചു ഇങ്ങോട്ട് വരുമ്പോ ഇത്രേം പ്രതീക്ഷിച്ചില്ല.

Kalavallabhan said...

അമ്മാ.. അമ്മാ.... അമ്മ അമ്മ അമ്മാ​‍ാ​‍ാ.... കമന്റ് അമ്മാ​‍ാ​‍ാ...

(ഏതായാലും വഴി ക്ലിയർ)

രഞ്ജിത്ത് കണ്ണൻകാട്ടിൽ said...

ഹാശ്പൂശ്ഛീ........

ഹോ...ഒന്ന് തുമ്മിയതാ.........

മനോജ് കെ.ഭാസ്കര്‍ said...

ഞാന്‍ ആദ്യം വായിച്ചതു പുട്ടും കടലയും ആണ്.അത് വായിച്ച വിഷമത്തില്‍ കണ്ണീര്‍ തുടച്ചു ഇങ്ങോട്ട് വരുമ്പോ ഇത്രേം പ്രതീക്ഷിച്ചില്ല...സത്യം ഞാനും

Vipin K Manatt (വേനൽപക്ഷി) said...

നല്ല രസമുണ്ടായിരുന്നു വായിക്കാന്‍:)
ഞാന്‍ ആദ്യമായിട്ടാണ് ഇവിടെ. സമയം പോലെ വന്നു മറ്റു പോസ്റ്റുകള്‍ വായിക്കാം.

ഞാനും ഫോളോ ചെയുന്നുണ്ട്(ആരും തെറ്റി ധരിക്കരുത്, സത്യമായിട്ടും കമന്റ് കിട്ടാനല്ല ഹ..ഹ:) )

Manoraj said...

ഏതായാലും ബ്ലോഗില്‍ ഒരു കമന്റ് വ്യാപാരിയെ കണ്ടെത്തിയതില്‍ സന്തോഷം..:):) ബ്ലോഗിങ് എന്നത് ഇന്‍ വളരെ ശക്തമാണ്. പക്ഷെ പലരും അംഗീകരിക്കുന്നില്ല എന്നേ ഉള്ളൂ..

@മഹേഷ്‌ വിജയന്‍ : കൂട്ടത്തില്‍ ബ്ലോഗായി എഴുതാന്‍ തുടങ്ങിയെന്നത് മഹേഷ് തെറ്റിദ്ധരിച്ചതാവാനാണ് സാദ്ധ്യത. കൂട്ടം എന്നത് ഒരു ഓണ്‍ലൈന്‍ കൂട്ടായ്മയാണ്. ഏതാണ്ട് ഓര്‍ക്കൂട്ട് ഫെയ്സ്ബുക്ക് കമ്യൂണിറ്റികള്‍ പോലെ ഒരു കമ്യൂണിറ്റി. അവിടെ നല്‍കുന്ന ബ്ലോഗിങ് പ്ലാറ്റ് ഫോമില്‍ ആദ്യം എഴുതി തുടങ്ങിയെന്നാണ് അനാമിക ഉദ്ദേശിച്ചതെന്ന് തോന്നുന്നു. പിന്നീട് സുഹൃത്തിന്റെ പ്രേരണക്ക് വഴങ്ങി സ്വന്തമായി പൊട്ടത്തരങ്ങള്‍ തുടങ്ങിയെന്നും.. ആ ഭാഗത്ത് തെറ്റൊന്നുമില്ല മഹേഷ്..

Prabhan Krishnan said...

ആഹാ..!!എഴുത്ത് നന്നായിട്ടുണ്ടല്ലോ...!!
നല്ല ഒഴുക്കുള്ള ശൈലി..
തുടരുക..!
ആശംസകളോടെ..പുലരി

യാത്രക്കാരന്‍ said...

ആരാധകരുടെ ഫോണ വിളികള്‍ ....

ഹ... അത് പൊളിച്ചു ട്ടാ... മുമ്പും ഇവിടെ വന്നിരുന്നു ..

അപ്പൊ പ്രണയങ്ങളെ പറ്റിയുള്ള കുറെ പോസ്റ്റുകള്‍ ആണ്

ഇനിയും വരാം .. ആശംസകള്‍ ..
കണ്ടത് ... ഒപ്പം ഒരു കുമ്പസാരവും "എന്കിക്ക് ചുറ്റും കാണുന്നതല്ലേ

എഴുതാന്‍ പറ്റൂ " അന്ന് കത്തി .. ഇവിടെ വല്ലതും നടക്കും എന്ന്‍ ..
ഏതായാലും എഴുത്തിന്റെ സ്റ്റൈല്‍ നന്നായി...

anamika said...

@navashamsudeen
തീര്‍ച്ചയായും അറിയിക്കുന്നതാണ്... വന്നതില്‍ സന്തോഷം !!

@mandasan
താങ്കള്‍ ശ്രദ്ധിക്കുന്നു എന്നറിഞ്ഞതില്‍ സന്തോഷം


@surabhilam
പുട്ടും കടലയും ഞാന്‍ ഡിലീറ്റ് ചെയ്തിട്ടുണ് വിഷമിക്കണ്ട ... വീണ്ടും വരണം


@kalavallabhan
പോയിട്ട് ശനിയാഴ്ച വാ ;-)

anamika said...

@manoj k bhaskar
പുട്ടും കടലയും ഞാന്‍ ഡിലീറ്റ് ചെയ്തിട്ടുണ് വിഷമിക്കണ്ട ... വീണ്ടും വരണം

@vipin
കമന്റ്‌ ഇട്ടിട്ടുണ്ട് വിഷമിക്കണ്ട... വീണ്ടും വരണം

@manoraj
നന്ദി ഞാന്‍ ഉദ്ദേശിച്ചത് മനസിലാക്കിയതിനു ... വീണ്ടും വരണം

@prabhan krishnan
നന്ദി വീണ്ടും വരണം ...

@yathrakkaran
സത്യമല്ലേ ഞാന്‍ പറഞ്ഞത്...
എന്കിക്ക് ചുറ്റും കാണുന്നതല്ലേ എഴുതാന്‍ പറ്റൂ...
വീണ്ടും വരണം ...

പൈമ said...

അനാമിക ഇപ്രാവശ്യം കലക്കി ...എന്റെ വക തന്നേക്കാം ...ഇഷ്ട്ടപ്പെട്ടു ...
ഈ പുട്ടും കലയും എന്താ ? ഇനി പോസ്റ്റ്‌ ലിങ്ക് തരണേ ....
ആശംസകള്‍ ...

venpal(വെണ്‍പാല്‍) said...

ആളെ കൂട്ടാന്‍ എന്തെല്ലാം മാര്‍ഗ്ഗങ്ങള്‍.....
ഇപ്പോള്‍ ഇതാ കമന്‍റ് കച്ചവടത്തിലേക്കും....
കൊള്ളാം

anamika said...

@pradeep paima
താങ്കള്‍ വരാന്‍ വൈകിയതു കൊണ്ട് കൊണ്ട്... punishment തരുന്നുണ്ട്

anamika said...

@venpal
പാവങ്ങള്‍ ജീവിച്ചു പൊക്കോട്ടെ...

mash said...

കമന്റ്‌ അടിക്കാന്‍ പണ്ടേ ഞാന്‍ മിടുക്കനാ .. :-)

ഓലപ്പടക്കം said...

എന്റെ വക കമന്റ് ദാ പിടിച്ചോളൂ

Unknown said...

ഹിഹിഹി..

ഞാനിവിടെ മുമ്പ് വന്നതാണല്ലോ എന്നോര്‍ത്തു, ഇതിനു മുമ്പത്തെ പെസ്റ്റിലെ ചിത്രം, ആ ഓര്‍മ്മ ശരി തന്നെ എന്ന് ഉറപ്പിച്ചു..

വിനുവേട്ടന്‍ said...

ഞാനും ഫോളോ ചെയ്യുന്നു... എനിക്കെന്താ കമന്റ് പുളിക്കുമോ...? എനിക്കും വേണം കമന്റ്... :)

Muralee Mukundan , ബിലാത്തിപട്ടണം said...

അമ്പടി കേമി അപ്പോൾ ബൂലോകത്തിലെ കച്ചോടം അഭ്യസിച്ചു അല്ലേ
ഇനി കമന്റൊക്കെ വിറ്റ് ഇമ്മീനി വല്ല്യേ കച്ചോടക്കര്യാവുമ്പോ ഇമ്മളെയൊന്നും മറക്കരുത് കേട്ടൊ

സ്വന്തം സുഹൃത്ത് said...

രസകരമായി എഴുതിയല്ലോ :)
കുഞ്ഞിലെ നല്ല ഓര്‍മ്മകള്‍ ഉണ്ട് അല്ലെ..
ബ്ലോഗ്‌ നടക്കട്ടെ, പക്ഷെ പഠിത്തത്തിന് തന്നെ പ്രാധാന്യം മറക്കണ്ട .. ആസംസകള്‍ ..!!

മണ്ടൂസന്‍ said...

എന്റെ പേര് ഇങ്ങനെയൊക്കെ എഴുതിയിട്ടാണോ, ഞാൻ ശ്രദ്ധിക്കുന്നതിലുള്ള സന്തോഷം അറിയിക്കുന്നത്.ഞാൻ മണ്ടൂസൻ ആണ് ട്ടൊ.

@mandasan
താങ്കള്‍ ശ്രദ്ധിക്കുന്നു എന്നറിഞ്ഞതില്‍ സന്തോഷം

anamika said...

@mash
ഈ വഴി ഇടയ്ക്കൊക്കെ വന്നേക്കണം

anamika said...

@ഓലപടക്കം,നിശാസുരഭി
ഈ വഴി ഇടയ്ക്കൊക്കെ വന്നേക്കണം

anamika said...

@വിനുവേട്ടന്‍
ഫോളോയും ചെയ്യുന്നതാണ്

@മുരളി മുകുന്ദന്‍
ഒന്നും മറക്കില്ല രാമാ

anamika said...

@സ്വന്തം സുഹൃത്ത്
എന്റെ അമ്മ പറഞ്ഞു വിട്ടതാണോ.. എനിക്കൊരു ഡൌട്ട് ?

anamika said...

@മണ്ടസന്‍
മത്യോ??

സ്വന്തം സുഹൃത്ത് said...

ഹഹ അമ്മ പറഞ്ഞൂ വിട്ടതല്ല.. ഏട്ടനാണെന്ന് കരുതിയാല്‍ മതി..പിന്നെ പഠിത്തം കഴിഞ്ഞ് ഒഴിവ് സമയം ഒത്തിരി ഉണ്ടെങ്കില്‍ തീര്‍ച്ചയായും ഇവിടെ ചിലവഴിക്കണം..ഞാന്‍ ഇതിന്നെക്കുറിച്ച് ഇന്നെഴുതിയിരുന്നു..സമയം പോലെ വായിക്കുക..
"ഫേസ്ബുക്ക് നിങ്ങളുടെ ജീവിതത്തെ എങ്ങനെ സ്വാധീനിക്കുന്നു.."http://swanthamsuhruthu.blogspot.com/2011/10/blog-post_29.html

anamika said...

@swantham suhruthu
വായിക്കുന്നുണ്ട്

sunesh parthasarathy said...

madhuramee ezhuththil nanmamaathram! vaakkukal kondu varnnikkan kazhiyaaththa vidham ningal valarnnuvo? mounammaanu ente opinion !

Anil cheleri kumaran said...

ഇവിടെ കമന്റ് വിക്കുന്നുണ്ടെന്ന് കേട്ട്..

മണ്ടൂസന്‍ said...

@മണ്ടസന്‍
മത്യോ??

പോര. മണ്ടൂസൻ ആണ് കറക്ട്.

Sandeep.A.K said...

അനാമിക...
ഞാനും കമന്റ്‌ ചെയ്തിട്ടുണ്ട്.... ഫോളോയും ചെയ്തു... പോരട്ടെ എന്റെ ബ്ലോഗിലും എല്ലാ പോസ്റ്റിനും അരക്കിലോ കമന്റ്‌ വീതം.. കൂടുതല്‍ വേണ്ട ട്ടോ.. ഞാന്‍ പാവം.. താങ്ങത്തില്ല.. :)

മഹേഷ്‌ സൂചിപ്പിച്ച ഭാഗം എന്റെ വായനയിലും കല്ലുകടിയായി അനുഭവപ്പെട്ടു.. എന്നാല്‍ മനോരാജ് പറഞ്ഞതില്‍ നിന്നും കാര്യത്തിന്റെ അവ്യക്തത മാറി കിട്ടി.. ആശയക്കുഴപ്പങ്ങള്‍ ഉണ്ടാക്കുന്ന വരികള്‍ , വാക്കുകള്‍ എഴുത്തില്‍ നിന്നും ഒഴിവാക്കിയാല്‍ നല്ലതെന്നു തോന്നുന്നു.. അല്ലെങ്കില്‍
"ഡയറിയില്‍ എഴുതുന്ന പൊട്ടത്തരങ്ങള്‍ കൂട്ടത്തില്‍ ബ്ലോഗ്‌ ആയി എഴുതാന്‍ തുടങ്ങിയത്"
ഇതിനെ
"കൂട്ട"ത്തില്‍ എന്ന് എഴുതിയാലും കൂട്ടം എന്ന് വായിക്കാമായിരുന്നു.. അപ്പൊ ശരി... എല്ലാം പറഞ്ഞ പോലെ... deal ????

Villagemaan/വില്ലേജ്മാന്‍ said...

ഒരു കമന്റിനു ഇടുന്ന ബ്ലോഗര്‍ക്ക് മൂന്നു കമന്റു തിരിചിടുന്നതാണ് ഈ ആഴ്ചത്തെ ഓഫര്‍ !
ഹി ഹി !

anamika said...

@sunesh
ഈ വഴി വന്നതിനു നന്ദി... വീണ്ടും വരണം

@kumaran
വില്‍ക്കുന്നുണ്ട്... എത്ര വേണം??

@മണ്ടുസന്‍
മത്യോ??

@sandeep
deal

@villageman
ആക്രാന്തം അരുത്... തരുന്നതാണ്

Philip Verghese 'Ariel' said...

വളരെ സരസ ഗംഭീരമായി
കാര്യങ്ങള്‍ പറഞ്ഞു പിടിപ്പിക്കുന്നതില്‍
വന്‍ വിജയം തന്നെ നേടിക്കഴിഞ്ഞിരിക്കുന്നു
എന്ന് പറഞ്ഞാല്‍ അതില്‍ ഒട്ടും അതിശയോക്തി ഇല്ല കേട്ടോ
എന്തായാലും ബ്ലോഗിലൂടെ പരിജയപ്പെടാനും എന്റെ ബ്ലോഗില്‍
ഒന്ന് കയറാനും കാട്ടിയ സന്മനസ്സിന് നന്ദി
അനാമിക പറഞ്ഞ പല സംഭവങ്ങള്‍ക്കും എന്റെ ജീവിതവുമായി
ഒരു നേരിയ സാമ്യം ഉള്ളതുപോലെ തോന്നി, അല്ല അത് അങ്ങനെ
തന്നെ തന്നെ
വീണ്ടും എഴുതുക
സമയം പോലെ ഒന്നിവിടെയും കയറുക "സ്വാഗതം"
നന്ദി നമസ്കാരം
വളഞ്ഞവട്ടം പി വി ഏരിയല്‍
സിക്കന്ത്രാബാദ്
PS:
ഇതിനെ പൊട്ടത്തരങ്ങള്‍ എന്നു വിളിച്ചതിനോട് എനിക്കു ഒട്ടും
യോജിപ്പില്ല കേട്ടോ
ചിരിയോ ചിരി

anamika said...

@philip varghese
ഞാന്‍ ഇത്തിരി പൊങ്ങിയോന്നു സംശയം

ദീപ എന്ന ആതിര said...

വെറുമൊരു പൊട്ടത്തരം അല്ലാന്നു മനസ്സിലായി...ആശംസകള്‍

വേണുഗോപാല്‍ said...

ഇവിടെ ആദ്യമാണ് ...
എന്റെ ബ്ലോഗ്ഗില്‍ വരുന്നവരുടെ പുറകെ പോയി അവരുടെ ബ്ലോഗ്ഗുകള്‍ വായിക്കുന്ന ഒരു സ്വഭാവം എനിക്കുണ്ട് .
എന്റെ തോന്ന്യാക്ഷരങ്ങള്‍ വായിച്ചു അഭിപ്രായം പറയുന്ന സാഹസം ഏറ്റെടുത്ത ഒരാള്‍ എന്തെഴുതുന്നു അറിയാനുള്ള ഒരു ആകാംഷ .
അവിടെ പോയി വായിച്ചു ഒരു കമന്റ്‌ ഇട്ടാല്‍ അത് ബാര്ടര്‍ സമ്പ്രദായം എന്നൊന്നും ഞാന്‍ ചിന്തിക്കാറില്ല .
എഴുതാന്‍ അറിയാത്ത എന്റെ രചനകള്‍ ആരെങ്കിലും വായിച്ചു അഭിപ്രായം പറയുമ്പോള്‍ സന്തോഷം തോന്നും . തെറ്റുകള്‍ തിരുത്താന്‍ അതൊരു പ്രചോദനം അല്ലെ .
ആയതിനാല്‍ കമന്റ്‌ കിട്ടുമ്പോള്‍ വളരെ സന്തോഷം തോന്നാറുണ്ട് . കിട്ടിയില്ലെങ്കില്‍ വിഷമവും
ഞാന്‍ ഫോളോ ചെയ്യുന്നു ... ഇനിയും വരും ,. മറ്റു പോസ്റ്റുകള്‍ കൂടി വായിക്കാന്‍.
ആശംസകളോടെ (തുഞ്ചാണി)

Echmukutty said...

ഈ പോസ്റ്റ് കൊള്ളാമല്ലോ. ഇഷ്ടമായി. അഭിനന്ദനങ്ങൾ.

സുരേഷ്‌ കീഴില്ലം said...

ഇരിപ്പടം വഴിയാണ്‌ വന്നത്‌.
നിരാശപ്പെടുത്തിയില്ല.
സന്തോഷം

Aneesh Puthuvalil (അനീഷ്‌ പുതുവലില്‍) ) said...

സത്യത്തില്‍ കമന്റ്‌ ഇടാന്‍ ഒരു ആള് ഉണ്ടെന്നു പറഞ്ഞപ്പോള്‍ ആക്രാന്തം കൂടി വന്നതാണ്‌ ...ഇരിപ്പിടം വഴിയാണ് വന്നത് ..വന്നപ്പോള്‍ അല്പം പിന്തുടരാം എന്ന് കരുതുന്നു ..അതിനുള്ള വക ഉണ്ടേ അതാണ് കാരണം .....................

minhas said...

ഇഷ്ടപ്പെട്ടാല്‍ മാത്രം കമന്റ്‌ ഇടുക....വെറുതെ ആളെ പോട്ടനാക്കരുത്....ഇതെനിക്കിഷ്ടായി...നല്ലത്...ഇനിയും എഴുതി എഴുതി രസിപ്പിക്കു...

anamika said...

@ആതിര, എച്ചുമുകുട്ടി, സുരേഷ് കീഴില്ലം , അനീഷ്‌ പുതുവലില്‍ , minhas
നന്ദി വീണ്ടും വരണം

Philip Verghese 'Ariel' said...

anaamika,
veendum
vannu
kamantukal
one way
aakaathirikkaan
sramikkuka
sankadam
undu
nanni
namaskaaram

കാഴ്ചക്കാരന്‍ said...

വളരെ നന്നായി.
"ബ്ലോഗിലെങ്ങനെ ആളെക്കേറ്റാം"
എന്നൊരു ബ്ലോഗ്‌ പോസ്റ്റ്‌ വായിച്ചിരുന്നു.
അത് പോലെ കമെന്‍റ് തേടി വന്നവര്‍ക്കെല്ലാം നല്ല ഒരു പോസ്റ്റ്‌ കിട്ടിയല്ലോ

sunil vettom said...

ഇപ്പോ ശരിക്കും മനസ്സിലായി വികൃതി തന്നെയാണെന്ന് .....

നന്നായി എഴുതി കമന്‍റ് കച്ചവടം...

anamika said...

@pv ariel
ഞാന്‍ ആ വഴി വന്നിരുന്നു... എനിക്ക് ദഹിക്കാത്ത ഒരുപാടു കാര്യങ്ങളായി തോന്നി... ഞാന്‍ കുഞ്ഞല്ലേ... വളര്‍ന്നിട്ടു കമന്റ്‌ ഇടാം എന്ന് വിചാരിച്ചു ... ക്ഷമിക്കണം

@കാഴ്ചക്കാരന്‍
നന്ദി ഈ വഴി വീണ്ടും വരണം

@sunil vettom
ഇത്തിരി വികൃതി ഒക്കെ വേണ്ടേ??
നന്ദി ഈ വഴി വീണ്ടും വരണം

K@nn(())raan*خلي ولي said...

അനാമിആയാലും ശരി സുനാമിയായാലും ശരി.
എന്നെപ്പോലുള്ള പട്ടിണി ബ്ലോഗര്‍മാരുടെ കഞ്ഞികുടി മുട്ടിക്കരുത്.
പ്ലീസ്!

(നല്ല ശൈലി. ഇനിയും എഴുതാന്‍ കഴിയട്ടെ)

ente lokam said...

കൊല്ലേരി വഴി ഈ കമന്റ്‌ വില്പന കട
ഒന്ന് കാണാന്‍ ഇറങ്ങിയതാണ്....
കൊള്ളാം...ഇനിയും എഴുതൂ..നല്ല ഭാവി
ഉണ്ടാവും..ഇനിയും ഫോണ്‍ കോളുകള്‍
വരും കേട്ടോ...ആശംസകള്‍...

Harinath said...

എന്റെ ബ്ലോഗ് ഇതാ:
http://bhoogolam.blogspot.com/

ഇങ്ങനെയൊരു അവസരം തന്നതിന്‌ നന്ദി.

നൗഷാദ് അകമ്പാടം said...
This comment has been removed by the author.
നൗഷാദ് അകമ്പാടം said...

ങാഹ! ആളു കൊള്ളാമല്ലോ!!

ഞാനിതാ ഫോളോ ചെയ്യുന്നു..
ഇനി ഐശ്വര്യങ്ങളുടെ പെരുമഴയാവും...
(ഒലിച്ചു പോവാതെ സൂക്ഷിക്കണേ! :-))

ആശംസകളോടെ........

അഹങ്കാരി said...

വളരെ നല്ല തീരുമാനം. ഏതായാലും ഞാന്‍ ദേ ഫോളോ ചെയ്തു കഴിഞ്ഞു! കാരണം എനിക്കും വേണേ കുറച്ച് കമന്റു! എനിക്ക് മൊത്തമായി വേണ്ട, ചില്ലറയായി മതി! ഇത്രയും മഹാമനസ്കയായ ഒരാളെ കാണാന്‍ കഴിഞ്ഞതില്‍ വളരെ സന്തോയം!!

ബ്ലോഗ്‌ കൊള്ളാട്ടോ...(സുഖിപ്പിച്ചതല്ല!)

അന്ന്യൻ said...

“നമ്മൾ പോയി ആരുടെ എങ്കിലും ബ്ലോഗിൽ കമന്റ് ഇടണം അപ്പോൾ അവരും നമ്മുടെ ബ്ലോഗിൽ കമന്റ് ഇടും“
ഇതു ശരിയാണെന്നു എനിക്ക് തോന്നുന്നില്ല. നല്ലതു ഒരുപാട് പേർ വായിക്കും.
വായിച്ചവർ നല്ലതെന്നു പറയുന്നതു കേട്ട്, വായിക്കാൻ പിന്നേം ആളുകൾ വരും.

അന്ന്യൻ said...
This comment has been removed by the author.
അന്ന്യൻ said...
This comment has been removed by the author.
Rashid said...

അതേയ്,, അഹങ്കാരം കൊണ്ട് പറയുകയല്ല. എനിക്ക് നിന്‍റെ കമെന്‍റിന്‍റെ ആവശ്യമൊന്നുമില്ല. ഞാനേതാ ഡാഷ്..

Krishnaprasad said...

nannayitund....